На Шар Планина е прогласен висок степен на лавинска опасност. Посетителите да избегнуваат ризични зони и да патуваат со водичи.

Националниот парк Шар Планина предупредува: во моментов постои висок ризик од лавини (степен 4 од 5), особено над 1700 метри надморска височина.
Опасноста е резултат на комбинација од снежни врнежи, силен ветер и температурни промени, кои ја прават снежната покривка нестабилна.
Во паркот е забележана лавина, но за среќа без човечки жртви. Екипите на „Ескимо спорт“ и Националниот парк извршија пребарување со лавински уреди и потврдија дека нема затрупани лица.

Препораки до посетителите
• Избегнувајте движење во лавински зони.
• Не патувајте сами – задолжително со обучени водичи.
• Пријавете ја вашата посета преку официјалната веб-страница на паркот.
Стручните служби ќе ја следат состојбата и навремено ќе ја информираат јавноста.
Шар Планина е прекрасна, но бара одговорност и строго почитување на безбедносните правила. Личната безбедност секогаш на прво место!