Monthly Archive: March 2016
Секое вино во себе носи некоја тајна приказна. Во него е впиена магијата на регионот во кој што се одгледува, топлината на раката која што го набрала, вештината на винарот кој што ја правил чудесната напивка. Приказната за македонските вина е средечна, пријателска и колоритна, оти се одгледувани во најплодните региони заплискувани од топлината на сонцето, долж течението на Реката Вардар.Иако вистинската ренесанса македонските вина ја доживуваат последниве десетина години, на ова тло виновата лоза одамна ги има пуштено своите корени. Тие полека, но сигурно почнаа да се пробиваат на странските пазари и да го освојуваат истенчениот вкус на Европјаните.
Изворите со пенлива вода, високата и зелена шума, планинските врвови кои пленат со својата убавина, еколошките јаболка кои зреат на надморска височина од 1.200 метри, се само дел од благодетите со кои располагаат македонските села. Сместени во планинските пазуви тие воодушевуваат со својата автентична архитектура, топлина и срдечност на домаќините. Водениците во кои се уште се меле брашно, старите вретена за предење волна, изработката на кавалите и гајдите од кои се шират звуците на народните песни и ора, се дел од мозаикот на македонските села.
Речиси сите македонски манастири се градени во планинските пазуви, на потешко пристапни места, во предели со прекрасни природни убавини, опкружени со густи шуми и пространи ливади. Иако монасите секогаш барале да се осамат во својот духовен живот, тие сепак ги отварале вратите за населението од околните села, кое тука ги прославувало верски празници, ги одбележувало селските слави и барало утеха и спас во тешките премрежја
Македонија е како ковчег преполн со скапоцености, кој едвај чека да биде отворен. Изобилува со историја и традиција уште од неолитот, за што сведочат многубројните археолошки богатства пронајдени во утробата на земјата. Тетовската менада, Адам од Говрлево, златната маска од Требеништа од 6 век пред нашата ера, керамиката од неолитот, пронајдоците од бронзената доба, остатоците на римските градби, како и мозаиците со непроценлива вредност, се само дел од богата културно наследство кое со векови наназад е пронаоѓано на ова тло.
Лековитата вода богата со минерали, современите терапевтски третмани, масажите и спа капсулите, се само дел од можностите што ги нудат македонските бањи, сместени во најпејсажните и најживописните предели на земјава. Изградени во планинските пазуви, во близина на жуборливи реки и езера, ги мамат вљубениците во природата на кои им е потребна релаксација, одмор и лекување на телото и душата. Водата богата со минерали е раритет во Европа и нуди огромни можности за развој на бањскиот туризам, но и шанса покрај природните лекувалишта да се изградат и модерни центри за убавина и релаксација.
Macedonia is like a chest, filled with precious things, that eagerly waits to be opened. It has abundance of history and tradition dating back to the Neolith, witnessed by the numerous archeological treasures found in the earth’s womb. The Maenad from Tetovo, Adam from Govrlevo, the golden mask from Trebenishta from the 6th century B.C., the Neolithic ceramics, findings from the Bronze Age, remains of Roman buildings, as well as mosaics with precious value, are only part of the rich cultural heritage
Бројните минерални и термоминерални извори кои постојат во земјава, лоцирани во најпејсажните и живописни шумски предели, отсекогаш биле свртувалиште на голем број случајни минувачи, но и на оние кои барале спас во лековитата моќ на водата.Околу нив не случајно од дамнина се граделе лекувалишта, бањски објекти и спортски терени, се со цел да се привлечат што поголем број посетители. Од некогашните римски и турски бањи во земјава, во функција е останата само Пашината бања во Негорци, која и ден денес се користи за лекување и релаксација. Во план е и ревитализација на некогашниот турски амам кај Катлановска бања, со што овој објект, од кој се останати само рушевините, повторно би бил ставен во функција на збогатување на понудата и развој на бањскиот туризам во земјава, за кој постојат огромни потенцијали.
Затскриени во најдлабоките шуми, далеку од човековиот дофат и погледи, тие најчесто се само дел од човековата фантазија, или ретко исполнета желба да се ужива во нивната убавина. Овие планински убавици, иако реални, за многумина се само дел од приказните, и ретко кој верува дека ги имаме и ние на дофат.
Во Стразбур – градот на крстопати, во кој битисуваат 500 илјади жители, се лоцирани најважните европски институции, Советот на Европа и Европскиот парламент зад чии врати се крои европската иднина
Во двете преспански езера (Голема и Мала Преспа) има четири острови. Најголемиот од нив е Св.Ахил во Малото Езеро, кој со островот Видрониси и припаѓа на Грција. Св. Ахил е единствениот населен остров, но на него живеат само 27 луѓе во 11 куќи, бидејќи според легендата, доколку се изгради дванаесетата, една од нив ќе се урне. На Островот Ахил се наоѓала првата македонска архиепископија и првата престолнина на цар Самоил.Островот Голем Град познат уште и како Св.Петар се наоѓа во македонскиот дел на Големото Езеро, а Мал Град или Св.Павле е во албанскиот. Единствените жители на овие острови се птиците, змиите, желките, инсектите и некои видови на растенија.
