Во Репродуктивниот центар за Европски елен во НП Галичица се родија првите еленчиња. Во периодот кој следи се очекува на свет да дојдат уште нови младенчиња., објави Националниот Парк – Галичица.

Поминаа околу четири месеци од интродуцирањето на триесет европски елени во Националниот Парк Галичица. Елените одлично се адаптираа на новата средина и без поголеми проблеми ја поминаа првата зима во репродуктивниот центар, каде што се сместени.

Во шест хранилки, распоредени во репродуктивниот центар, редовно им се надополнува прихрана, со цел да се задоволат нивните нутритивни потреби.

Женките се во период на гестација и потребен им е мир во следните месеци. Од Националниот парк ги замолуваат сите посетители да не се движат во и околу репродуктивниот центар.